Talaan ng Aking Buhay ;)-Marlon Bustarde

                        Bago ko ikuwento ang buhay ko,ibabalik tanaw ko muna ang panahon kung kailan nag-iibigan ang aking mga magulang.
                      
                       Sila ay tunay na magkaibigan.Isang araw may nanliligaw sa aking ina,at itong nanliligaw sa aking ina,ay kaibigan ng aking tatay.Inilalakad ng aking tatay ang kaibigan niya sa aking  ina,ngunit hindi maganda ang naging resulta , binasted ng aking ina ang kaibigan ni papa. Nung oras na iyon natipuhan ng aking tatay ang aking ina . niligawan ito ng aking tatay ang aking ina, naging matagumpay naman ito dahil mabait ang aking tatay,nasa kanya na lahat na hinahanap ng aking ina.

Ako at si pinsan Albert

                        Sa lungsod ng Sorsogon, sa Bicol ipinanganak ako noong july 21, 1995 sa ganap na 2:20 ng madaling araw. Tuwang tuwa ang aking mga magulang at pati na rin ang mga lola't lolo ko at tiyo't tiyahin ko .

                         Noong nag isang taon ako naging masaya ang aking kaarawan,  maraming handa at maraming kasiyahan. Noong ako naman ay nasa dalawang taon naging maayos din ang aking kaarawan. Malikot daw ako sabi ng aking ina at maalam na daw ako noong magdamit at magtsinelas. Kapag naglalaba naman ang aking ina iiwan niya lang ako sa duyan at bubuksan niya ang t.v at mabait naman daw ako, di naman daw ako naglilikot. Noong ako nama'y nasa edad na tatlong taon ay lagi akong kasa-kasama ng aking pinsan na may trabaho , lagi akong nasa "jollibee", masarap daw ang buhay ko noon , at naranasan ko rin na pumasok ng ako ay tatlong taon pa lang at dalawang beses pa ako nagkinder , dahil hindi pa ako tinanggap sa Grade 1.

                         Noong nag-grade 1 naman ako naranasan ko rin na mapasama sa mga "honorable mention" at naging guro ko ay si Mrs.Ma Christina Calingasan. laking tuwa din naman ng aking mga magulang, at ng sumapit ang taon na ako ay mag-grade 2, hindi na naulit ang pagiging honor ko at ang guro ko ay si Mrs.Evelyn Quinton. Natatakot ako ng ako ay mag grade 3, dahil ang taray ng aking naging guro, pero mabait din naman ito at ito ay si Mrs.Mnerva Aguila. Nagkaroon ako ng disiplina dahil sa teacher na ito, at  isa pang hindi ko makakalimutan ay nag nagpatuli kami ng pinsan kong si ALBERT sa may medical hospital . hindi ko kasi akalain na magpapatuli agad kami noon kasi msyado pa kaming bata , at kong umayaw kami dun ay hindi rin kami magiging ganap na BINATA .



                         Nang natapos na ang operasyong iyon natanggal ang kaba naming dalawa ni kuya ALBERT , nang kami'y matapos na magpatuli . habang hawak namin ang aming short habang naglalakad ay tumatawa na kami at ang makakasalubung namin ay aming tinatakot, tuwang tuwa kami ng kuya kong si ALBERT . At nang ako ay nasa Grade 4, ang naging guro ko dito ay si Ms.Rose Titular, siya ay mabait, magaling makisama sa mga estudyante niya. Noong ako ay nasa Grade 5, naging masarap ang buhay ko at naging komportable ako sa lahat ng bagay. Naging guro ko dito ay si Ms.Celeste Cape.

                       Naging maayos din ako noon at maaga akong nagkaroon ng kasintahan. Noong grade 6 naging maayos na noon ang buhay ko, akala ko nga hindi ako makakagraduate dahil napakatary ng teacher ko . Ang pangalan nito ay si Ms.Sinfrosa Belen.

Yan ako nung High School

                       Yan na ! nakagraduate na ako ng elem. ang saya ko , dahil kahit papaano nakatapos ako ng elementarya. Naging mahusay ako noong 1st year , palasagot kapag may recitation ang paborito kong guro noon at hanggang ngayon ay si Mrs. Brinas sa Math at si Mr. Lacsam sa Filipino, lage ako sa kanila nakakasagot , sayang nga lang at napaltan ang teacher namin sa Filipino. Noong ako'y magsecond year , nakahinga -hinga ako noon ng maluwag kasi maayos ang buhay ko noon. Hindi  ko talaga makalimutan noon , noong kami ay nagflorante at laura dahil ang ginanapan ko doon ay isang "LION" at ang masmatindi pa diyan ang kulay ng aming balat ay imbes na dilaw ay berde. Akala ko iyon na ang pinakamasaya kong taon dahil sa mga kaklase ko.


                      Noong third year naranasan ko ang lahat ng bagay. Ako'y naging masaya dahil ang mga kaklase ko'y mababait . Naging masayahin ako noon dahil makukulit din kaming lahat. Kapag may mali ang isa ay kasalanan ng lahat. Lahat ng mapapagalitan, walang turuan, at wala ding magpapahamak. Naranasan ko na , na sumali sa sayaw at ito'y 1st  time ko palang, Naging magandang resulta, naging third kami kahit papaano. Nagcelebrate kaming magkaklase at nabuo ang samahan naming lahat ng magkakaklase at ito ay tinawag na "PARTY PIPXS". Ang hindi ko talaga makalimutan ay ang junior  and senior promenade ng 3rd year and 4th year. May natipuhan ako at ang pangalan nito ay si "RHAYA MONIQUE RAMOS ". Sinayaw ko ito at siya ay pang pito sa mga sinayaw ko. Nang matapos ang j/s namin nakakalungkot isipin na natapos kaagad.

                    

                    
                        Nakaraan ang isang buwan nagtapat na ako sa kanya at sinabi ko sa kanya na liligawan ko siya. Naging maayos , naging kami noong March 04,2010,masaya ang pagsasama namin ,walang naging hadlang saming dalawa. Magbabakasyon na nakakalungkot isipin  na matatapos na ang taon , at nakakalungkot ding isipin na magkakahiwahiwalay na  kaming lahat.Nagkakatext kami ni rhaya ,minsan may away minsan sweet din kami pero dumating yung time na nagkaaway kami at humantong sa paghihiwalayan. Tumagal lang kami ng dalawang buwan. Nasaktan din ako ng sobra.






                        Ngayong 4th year na ako masaya ako na makakagraduate na ako , naging malungkot ako dahil di ako nakasama sa j/s. Basta ang mahalaga tutuparin ko ang mga pangarap sakin ng aking mag magulang.Di ko sila bibiguin. Alam ko at kaya ko na iahon sila sa hirap at masuklian ang kanilang hirap. Sisikapin ko talaga na makatapos ako at para narin hindi maging pabigat sa pamilya. Tutulungan ko ding makatapos ang aking mag kapatid,dahil ayoko silang mapatulad sakin,nakong kelan ako 4th ay saka kami naghirap ngunit hindi ko sinisisi ang aking mga magulang dahil talagang panapanahon lang ito . Gusto kong maging  isang ganap na architect o kaya'y maging isang fine artist.